ABADÍA DE EIRAS
As xornadas celébranse igual que a pasada edición, nos xardíns da casa rural Abadía de Eiras. A aldea do mesmo nome, en O Rosal, está situada á beira do Miño, a curta distancia de A Guarda e de Portugal.
As proxeccións das xornadas son ao ar libre, polo que necesariamente ten que ser pola noite. Para as datas de celebración das xornadas, está previsto o solpor ás 22:00 e polo tanto, as proxeccións comezarán a esa hora.
A entrada é de balde. Non podería ser doutra maneira, pois nin as xornadas nin a asociación organizadora teñen ánimo de lucro. A única limitación é o aforo, que dificilmente se pode completar, dada a extensión do lugar de celebración.
Afrontamos este ano a segunda edición das xornadas de cinema, a celebrar como as anteriores no recinto da Abadía de Eiras.
Presentamos una selección de curtametraxes e documentais que seguro satisfarán ao espectador máis esixente.
Priorizamos a calidade e a mensaxe sobre a novidade, tratando de combinar os contidos coa diversión.
O seu desfrute das xornadas será a nosa recompensa.
En calquera buscador darás coa Abadía de Eiras (abadiaeiras.es).
As coordenadas son:
41.92835355109131, -8.782491708004539
O noso son as xornadas, pero hai moito máis.
Na contorna tes o río Miño e a ribeira coa senda de pescadores, os Muíños do Folón, a costa marítima do Rosal, a fortaleza de San Lourenzo en Goián...
Enfrente Portugal, con moito que ofrecer. Estamos tamén e a un paso A Guarda.
